First thing first; við vorum að kaupa okkur nýjan bíl. Jess sörí bob  Við keyptum okkur glænýja Toyotu Corollu, ómæ gad. Við fáum hana á fimmtudaginn og get ég ekki beðið. Við sem erum búin að hugsa um þetta í pínu stund og okkar bíll búin að vera svolítið moody, fer bara stundum í gang  Við erum líka búin að vera skoða fullt fullt fullt af gömlum bílum, nema bara hvað að við ákváðum að kaupa bara nýjan, það munaði það fáránlega lítið á þeim, þannig að við keyptum okkur bara nýjan. Ótrúlega flottan bíl.

Annars gekk kjólamátunin vel á laugardaginn, ótrúlega gaman að vera í svona prinsessuleik í einn dag. Láta klæða mig í og úr kjól. Og ég kom mér sjálfri á óvart hversu mikil prinsessa ég ætla að vera  Það var ofboðslega mikil hjálpa að hafa mömmu og Ester með, ég hefði ekki getað þetta án þeirra. En úff hvað þetta verður erfitt val. Ester tók fullt af myndum þannig að núna er næst á dagskrá að skoða allar myndirnar vel og vandlega:)

Ég er búin að vera með svo mikla útþrá seinustu daga, mig langar svo til útlanda....Hugurinn ber mig aðeins hálfa leið....dudududud lalalala
En miðað við peningaspandelsið á þessu heimili þá kemst ég ekki út fyrr en hver veit hvenær. Nema Brynja haldi áfram að lokka mann með svona guðdómlegum húsum á Flórída. Stelpur ég sé þetta alveg fyrir mér, við bara úti á sundlaugarbakka í sólbaði. Alveg eins og í OC  hahahahaha 

Næst á dagskrá er prófið í stjórnun sem ég get ekki sagt að ég hlakkai mikið til. Það er einmitt ástæðan fyrir því að ég blogga núna, ekki nenni ég að læra :)
En á föstudaginn ætlum við Hildur á árshátíð, jeje við erum einu svölu stelpurnar í skólanum. Hinar stelpurnar ætla að vera partýpúbers.... BORING!

jæja bleble
Stjórnun kallar
árshátíð

Já maður er alltaf að hugsa hvernig maður eigi að spara... sérstaklega eftir að jólavísareikningurinn kom inn um lúguna. Ekki það að maður hafi ekki heimabanka og ekki vitað hvað maður var að gera. En þetta verður alltaf að raunveruleika þegar það kemur að skuldadögum  Svo er Jakob að fara að byrja að borga af námslánunum... það er sko dágóð summa skal ég segja ykkur.

Ég fór í gegnum þetta allt og fór að hugsa hvað mætti fara, fyrst á lista var náttúrulega stöð 2, það var náttúrulega bara tímabundið, keyptum bara tvo mánuði, næst fór ég að hugsa um að minnka internet hraðann, erum með ótakmarkað niðurhal og niðurhölum eiginlega aldrei. Þegar ég nefndi það við Jakob þá settist hann beint við tölvuna og fór að niðurhala eins og enginn væri morgundagurinn     Næsta hugmynd beindist að því að hætta að gefa í Unicef, það er nú kannski ekki rétt að hætta að gefa fátæku krökkunum svo ég geti átt flatskjá hehe.

En nýjasta hugmyndin er sú að flytja til keflavíkur, þar geturðu fengið 93 fm íbúð á 53.000.-. Þá gætum við leigt okkar íbúð á svona 150.000, stelpa sem er með mér í skóla er að leigja sína 60 fm íbúð á 110.000 þannig að 150.000 fyrir okkar er ekki svo fjarri sannleikanum. Inn í þessu verði á Keili er internet, hiti og rafmagn. Með íbúðinni fylgir þvottavél, þurrkari og uppþvottavél. Þarna væri ég sko að spara....
Vandinn er að Jakob er ekki alveg að kaupa þetta allt saman. Hann segir að við eigum bara að loka augunum, þrengja aðeins sultarólina og brátt verður þetta búið, hann er svo bjartsýnn þessi elska

Já þetta er eitthvað til að hugsa um. Ég var í prófi í fjármálum í morgun, og já ég var eiginlega ekki viss um neitt svar. Ég lærði alveg fyrir þetta próf en er búin að vera slöpp seinustu daga þannig að einbeitingin var ekki sú besta. Stressið náði hámarki í gær þegar Hildur sendi mér gamalt próf úr þessu og ég kunni ekki neitt í því. Djísú kræst:)  Það var allt of oft að tveir möguleikar áttu við, og ég þoli ekki þegar það stendur  "veldu það sem á best við...." best smest....

Jæja aftur að þjóðahagfræði:)

Svo var líka maskadagur í gær, ef maður væri krakki í dag hvað myndi maður vera?

Mig langar ofsalega í ný föt núna og ég segi satt að mig vantar föt, hvað sem Jakob segir það er rógburður. En það er ekki hægt að kaupa föt á þessum tíma árs. Í Janúar byrjuðu útsölurnar og þá er ekki hægt að kaupa neitt, það er allavega erfitt. Samt keypti ég mér eina peysu og einn bol reyndar þegar ég hugsa útí það
Og svo núna eru fermingar, mér finnst það ekki gaman þegar ég sé eitthvað fallegt og lekkert svo ég tali gamaldags, allt fyrir þig Berglind! Já þegar ég sé eitthvað fallegt og lít upp þá stendur ferming 2008. Ekki vil ég líta út eins og fermingarbarn á djamminu eða í skólanum!

Það sem er að frétta af okkur skötuhjúunum að við erum að reyna.... erum að skoða bíl og stefnum að vera búin að kaupa bíl fyrir vikulok. Það er bara of mikið sem þarf að gera fyrir okkar bíl þannig að það er komin tími á nýjan.

Af brúðkaupsundirbúningi er lítið að frétta, við eigum enn eftir að panta ljósmyndara. Getum ekki ákveðið okkur.... þetta er allt saman mjög erfitt. Viðræður standa enn um stærð gestalista. En ég er að fara í brúðarkjólamátun á laugardaginn 16.febrúar þannig að við skulum nú vona að einhver ákvörðun verður tekin þar. Mamma og Ester ætla með mér í mátun, mamma hætti við að fara á Þorrablót til að komast með mér, hún var svo spennt. Ester bara verður að koma með, hún fær engu um það ráðið

Jæja próf á morgun, þarf að halda áfram að læra;) bleble

Ég er mikið búin að vera hugsa, hugsa um hvað ég eigi að blogga. Mér finnst ég ekkert hafa að segja, sumir segja að þetta sé janúar að kenna. Ég er eiginlega ekki sammála því ég er ekkert andlaus út af janúar. Ég hef alveg fullt að segja svona úti í veruleikanum. En ekki á blogginu eins og  þeir komumst að sem lásu bloggið á Bhekled blogginu um daginn, þá bloggaði ég um skyr!

Hildur segir að ég eigi að blogga um að ég sé búin, ég er fyrir löngu búin í prófum, búin í jólafríi, búin að kaupa mér nýjan sófa og nýtt sjónvarp, búin að fara í fern afmæli. Samt eiginlega bara þrenn, því tvær héldu saman

Ég er líka byrjuð í skólanum, byrjuð að taka með mér nesti á nær hverjum degi, byrjuð að læra hellings upp í skóla, og byrjuð í ræktinni

Annars vildi ég bara skipta um færslu, orðin fyrir löngu leið á færslunni fyrir neðan og komin tími til að ég bloggaði fyrir löngu. Ég byrjaði oft en kom aldrei nógu skemmtilegu út úr mér!

Annars er lítið á dagskránni á næstunni, á næstu helgi er útskriftin hennar Brynju:) Jei ég hlakka til þess. En á undan fæ ég að spreyta mig í fjármálaprófi sem verður áhugavert vægt til orða tekið. Svo liggjum við stelpurnar sveittar að reyna finna helgi í bústað fyrir árshátíð Bhekled, einhverja helgi sem allar komast:) Svona ykkur að segja finnst mér ég komast allar helgar nema þessa sem ég kemst ekki hahahahaha

hmmm jejeje Þetta er orðið gott í bili;)

Jebb á morgun klukkan fimm, vonandi fyrr verð ég búin í prófum. Það er alltaf erfiðast að læra fyrir seinasta prófið. Hefði ekki verið svona erfitt ef þetta væri annað fag. Mér finnst markaðsfræði ekki mjög skemmtileg. Eða sko markaðsfræðin er alveg ágæt, en bókin er hundleiðinleg. Enda gafst ég upp á að lesa hana  Það hef ég aldrei gert. Ég hef alltaf lesið allt lesefnið. 

Það væri ekki svona erfitt að læra ef ég væri ekki komin hálfa leiðina vestur í huganum. Ég hlakka svo afskaplega mikið til að fara vestur. Það er svo margt skemmtilegt sem ég ætla að gera og hef lítinn tíma til að gera. Jakob þarf nefnilega að mæta suður aftur í vinnu á milli jóla og nýárs, þannig að við förum suður aftur annan í jólum. Mér finnst þetta svo mikið svindl. Ég er eiginlega bara í fýlu. Mín hugmynd af jólunum fyrir vestan er eiginlega amerísk. Í minni mynd eru allir hlæjandi og allir hittast í bakaríinu á morgnanna og á langa manga á kvöldin. Ég sé þetta alveg fyrir mér. Við stelpurnar verðum nú ansi margar fyrir vestan þessi jólin:) ohh þetta verður æðislegt. Mamma hringir reglulega í mig til að segja mér hvað þau hlakki til að fá okkur. Já maður er í uppáhaldi. Það verður líka fínt að slaka bara á í faðmi fjölskyldunnar.

Ég er búin að ætla að blogga lengi, var komin með ágætis feminista blogg en náði bara aldrei að klára það. Þannig að ég hætti við. Enda er komið nóg af þessum feministabloggum á öllum bloggum. Ykkur finnst heldur aldrei skemmtilegt þegar ég bulla um eitthvað málefni

Á morgun er svo próflokadjamm, á mánudegi Jebb ég er að fara að djamma á mánudegi. Er í miklum vandræðum hvað ég á að drekka. ég verð svo þunn af bjór þannig að ég slepp honum og drekk yfirleitt hvítvín. Finnst nú samt ansi snobbaralegt að mæta með hvítvínsflöskuna.... Það verður eitthvað áfengi í boði en það er yfirleitt bjór þannig að ekki þýðir að treysta á það:) Já þetta er vandasamt vandmál.

Jæja nú ætla ég aftur að læra...

Jesus Bobby!

Já þessi helgi var svona fullorðins....
Ég og Jakob fórum á jólahlaðborð hjá SPRON á Hilton. Það var ofsalega góður matur, mmmm. Mér finnst ekki oft svona hlaðborðsmatur góður en þessi klikkaði ekki og var eiginlega forrétturinn bestur. Hvað er þetta með mig og forrétti, mér finnst þeir oftast bestir og fæ eiginlega ekki nóg af þeim! Við borðuðum eftirréttinn við undirleik Stebba og Eyfa og það þarf vart að segja að þeir klikkuðu ekki. Ofsalega skemmtilegir og auðvitað tóku þeir Nínu, það eina sem vantaði var píanóið. Við hefðum getað reddað því stelpur er það ekki?
Ég söng að sjálfsögðu með, röddum og hljóðfærum. Ég er sérstaklega góð í að taka hljóðfærin.

En eftir jólahlaðborðið fórum ég og Jakob bara heim, ekki full. Ég keyrði heim og allt, enda byrjaði ég í prófum í dag. Jakob svona rétt tippsy. Við klæddum okkur bara í náttfötin og aldrei þessu vant rataði kjóllinn upp í skáp, ég gekk frá skartgripunum og allt var eins og það átti að vera í fullkomnum heimi. Við horfðum smá á sjónvarpið og fórum svo að sofa. Alveg eins og fimmtug hjón myndu gera!

Á laugardaginn stóð ég okkur að því að vera horfa á RÚV, laugardagslögin á RÚV, ég veit ekki hvað er að gerast með okkur. Okkur er hætt að finnast djammið skemmtilegt og höngum bara heima að horfa á RÚV.

Annars er ég byrjuð að hlusta á jólalög. Ég fæ alveg fiðring í tærnar og langar svooooo að fara að baka. En ég keypti mér kex í staðinn og baka eftir próf! Ég ætla ekki að baka í prófunum, ég verð að halda mér við efnið. Því nú er allt það erfiða eftir og allt sem ég kann voðalega illa!  

Jæja góða ferð.... hehe

Þetta ætti að hressa upp á minnið Karen:)

http://www.youtube.com/watch?v=Bto7l3cKhvk

Ofsalega finnst mér gaman að horfa á eitthvað svona, minningarnar streima alveg um mig. Og endahljóðin þegar er verið að kynna hverjir framleiddu, ég man meira segja eftir þeim! hehe

Reyndar sumar þessum teiknimyndum sem ég man ekki eftir, alveg fullt af teiknimyndum sem ég man ekki eftir. En ef maður man ekki eftir teiknimyndunum þá man maður eftir dótinu sem fylgdi þeim, en inn á youtube eru líka strumparnir á sæsku, ponyhestarnir. En veit einhver hvað lafði lokkaprúð heitir á ensku. Hún var eitt af uppáhaldinu mínu. Kannski var hún seinna, ég man bara að Perla átti dúkkuna af vondu konunni man ég og við vorum oft að leika okkur að þeim.
Ég var rosalega mikil dúkku stelpa. Mér skilst að litla systir min sé líka þannig:)

Í gær var ég í krónunni og sá bækur sem mig langaði svo að kaupa, sjóræningjabókin, prinsessubókin, drekabókin... fullt af svona bókum og Jakob strunsaði fram hjá og vildi ekki leyfa mér að skoða. Ég náttúrulega bara skoðaði

Jæja bara smá sárabót því ég er svo andlaus.

Kikkið á þetta......

http://youtube.com/results?search_query=J%C3%B3n+P%C3%A1ll+og+lyftingar

Snilld:)

Bara smá reality tjekk hérna. Það eru að koma jól! Ég keypti þrennar jólagjafir handa grislingunum í gær, ég fór í Toys 'r us hvað sem þessi búð heitir og rumpaði þessu af. Ég held ég verði besta frænkan!

Tvær vikur í fyrsta prófið og ekki laust við að maður sé orðin pínu stressaður! En nú er bara að spýta í lófanna og skella sér í þennan lærdóm af hörku.
 
Helgin var bara róleg. Ég held ég ekki gert neitt alla helgina, nema læra stærðfræði. En á laugardaginn fórum við stelpurnar að leika við litlu krakkanna í hellisgerði í Hafnarfirði til að hjálpa Örnu með verkefni í skólanum. Og eftir það var heitt kakó og og kaka heima hjá henni 

En ég og Karen stoppuðum ekki lengi því við fórum til Sólu að skoða litla snúllan hennar og gefa þeim pakka. Við gáfum þeim óróa með fjarstýringu. Svakalega flottan!  Það er svo mikið af þessum börnum í kringum mig. En það gefur lífinu lit, þau eru mega skemmtileg og sæt!

Jæja ég ætla að skella mér í stærðfræði eða fjárhagsbókhald... er ekki búin að ákveða hvort....