Af hverju þekki ég ekkert hárgreiðslufólk! Ég veit ég þekki hárgreiðslufólk það flytur bara alltaf í einhverja allt aðra landshluta. Loksins þegar ég er búin að finna einhvern sem ég er ánægð með þá ákveður hann að flytja. Þetta er svo mikið mál fyrir mig að það veldur miklum kvíða hjá mér. Nú er sá tími komin ég þarf að fara í klippingu. Hárið mitt er ógeðslegt án þess að gefa mér neinn fyrirvara. Ég hef verið að fara á Jóa og félaga en er ekki nógu ánægð þar því þau þora ekki neinu og hlusta ekki aðmennilega á mig. Það er bara sagt ok gerum þetta og þetta er náttúrlega mér að kenna því ég segi bara ok, en var í raun ekki búin að segja það sem ég ætlaði að segja. Ég er loksins farin að vita hvað ég vil sem tók laaaangan tíma en nú finn ég ekki rétta stofu. Já það er erfitt að vera ég!

Við stelpurnar vorum að tala um að allar viljum við vera bókmenntaðar og enginn iðnlærður. Það er ekki út af snobbi held ég því áhuginn á því var bara ekki til staðar. Samt vildi Brynja alltaf læra hárgreiðslu en hún vildi ekki vinna við það. Bara skemmtilegt að kunna það sagði hún. Svo fer áhugi Hönnu Rósu á snyrtifræði ekki fram hjá neinum. En sama með hana hún vill ekki vinna við það. Kannski erum við allar snobbaðar. Jú reyndar höfum við alltaf vitað það að við séum með menntasnobb, viljum helst allar eiga háskólamenntaða karlmenn. Ég segi fyrir sjálfa mig að þegar ég var 18 ára og hitti Jakob þá fannst mér mjög gott og merkilegt að hann væri búin með stúdent og væri á leiðinni í Háskóla. Hann var catch fyrir mér. Svo hafa aðrir þurft að bíta það oní sig að eiga ekki háskólamenntaða karlmenn og ekki hafa þeir það verra. En háskólamenntun var aldrei í þessu snobbi okkar heldur bara einhver menntun og metnaður, þess vegna bara metnaður  í að standa sig vel í starfi. En allt er maður tilbúin til að bíta í sig því ég var einu sinni með strák í tvo mánuði næstum þrjá og hann var atvinnulaus. Og ég hætti ekki með honum af því að hann var atvinnulaus heldur af því hann var leiðinlegur!

En pointið var að við þurfum að kynnast meira af iðnmenntuðu fólki sem getur gert okkur greiða og hjálpað okkur. Við þurfum að fara hanga í kringum iðnskólann.. Já ég er ekki sjálfselskJ hehe

En annars get ég ekki beðið eftir að fara vestur og er komin þangað í huganum. Farin að ímynda mér samtöl og drykki og hvern ég mun hitta og svo hvað það verður ofsalega gaman!Lítur samt út fyrir að ég muni keyra ein.... ég hef bara hátt í útvarpinu og tala við sjálfa mig. Og læsi bílnum því ég er ótrúlega myrkfælin og ímyndunvarveik. Allar þessar draugasögur þegar ég var lítil um menn sem ganga aftur á heiðunum var bara of mikið fyrir minn veika haus!

Ótrlúlega er leiðinlegt í sjónvarpinu, þriðjudagar eru verstu sjónvarpsdagarnir! Hefur alltaf verið þannig. Einu sinni voru þriðjudagar bestu sjónvarpsdagarnir mínir, man nú ekki alveg út af hverju. Ég kom alltaf seint heim úr skólanum þann dag og lá síðan og horfði á sjónvarpið. Jakob var alltaf í körfubolta eða einhverjum fjandanum þá daga og þetta voru svona Lilju dagar. Algjört æði! Einu sinni voru líka miðvikudagar uppáhaldsdagurinn minn því það voru einu dagarnir sem ég átti frí. Þeim var líka eytt fyrir framan sjónvarpið. Vá sjónvarpið er stór hluti af lífi mínu. Ástæðan fyrir því að ég er alltaf að væla um dagskránna er af því ég hef séð alla þættina með hjálp tölvunnar.

Og það er ofsalegur tvískinnungur í því hjá mér. Ég þykist vera réttsýn en finnst samt allt í lagi að hlaða niður efni af netinu. Ég hugsa bara að enginn skaðast. Nema náttúrlega tónlistamennirnir sem missa kaupendur og sama má segja um kvikmyndaframleiðendur! En samt er svolítið til í því að maður eigi að fá það mesta úr lífinu meðan enginn skaðast. Og ekki alltaf play it safe. En þetta sagði maður sem svo kom í ljós að hann var vondi kallinn. Hann plataði mig algjörlega! (bæ þe wei ég sá þetta í sjónvarpsþætti).

Þið eruð nú meiri lúsablesarnir heimtið og heimtið en viljið ekki gefa neitt á móti! Ég kem með tvö blogg en fæ  ekkert á móti. Mér fannst nú fyrra bloggið mjög skemmtilegt en enginn hafði neitt að segja við því og svo kem ég með þennan skemmtilega leik þá snúa allir hausnum í sandinn. Eins og strútur og ég get alveg sagt ykkur það að strútur er ekki skemmtilegt né fallegt dýr!

En að öðru, verðið þið ekki reið við að hugsa um ekki hafa allir lækkað matarverð við lækkun skattsins. En hvað getur maður gert þeir verða ekkert að lækka þeir eru ekki að brjóta lög. Það sem ég er að tala um eru skyndibitastaðirnir, hvergi annars staðar í heiminum þarf maður að borga hendi og fót fyrir ruslfæði. En þeir verða ekkert að lækka þeir þurfa það ekki. Sá skyndibitastaður sem kom best út minnir mig var Pítan þannig að allir þangað. En dominos lækkaði eina pitsu og subway einn bát. Já ég veit Shokking! Og eitt get ég sagt ykkur að skyrdór kostaði ekki meir en 100 kr í krónunni fyrir vsk lækkun því núna kostar hún 99 kr. Þetta eru allt svindlarar sem er alveg sama um okkur. Ég myndi aldrei vilja reka fyrirtæki án gróða en þetta er bara ómannleg græðgi ég veit ekki einu sinni hvaðan hún kemur.

Helgin var mjög róleg hjá mér og allt stefnið í það líka næstu helgi. Það er svo fint að djamma ekki því þá er maður ekki þreyttur og hefur orku í allt! Ég og Jakob fórum á bókamarkaðinn á sunnnudaginn og keypti ég mér fimm bækur. Ég hlakka ofsalega til að lesa þær. Við rétt svo náðum seinasta deginum og það var rétt hjá Gunna, ofsalega mikil gömlu fólka lykt þarna. Bara þungt loft í perlunni, loftræstingin eitthvað stífluð held ég.

Við kíktum einnig í Ikea og versluðum þar ýmislegt sem okkur vantaði en þar er ekkert úrval af flottum rúmteppum. Fundum ekkert þar. Og svo er ég með aðrar huge fréttir baðþilið er loksins komið upp, Davíð (stóri) kom og setti það upp fyrir okkur, hann var samt að flýta sér svo mikið að hann boraði fyrir okkur og gaf okkur leiðbeiningar um afganginn og við með þúsund þumlaputta gátum þetta alveg. Það þarf svo lítið til að gleðja mann að ég hlakkaði þvílíkt til að vakna morgunin eftir til að fara í sturtu og ekki þurfa að skúra baðherbergisgólfið.

En nú er ég veik! Ég er með svo mikinn hausverk og ógleði og gat ekki staðið í lappirnar, er reyndar búin að vera með hausverk alla vikuna. En ákvað að athuga hvort ég þyrfti ekki meiri hvíld. Þannig að hér sit ég, með smá samviskubit yfir að vera heima en ég hefði ekki verið góð í því að afgreiða með því að vera alltaf hlaupandi á klósettið (eða 411 eins og ein kona úr vinnunni kallar snyrtinguna). Ældi meira segja í morgun og allt! Ohhh alltaf svo skemmtilegt að fá að vita svona. En nú er nóg komið af rusli. Heyrumst fljótlegaJ

 2. Aldur:

3. Single or Taken:

4. Uppáhalds bíómynd:

5. Uppáhalds lag:

6. Uppáhaldshljómsveit:

7. Dirty or Clean:

8. Tattoo eða göt:

9. Þekkjumst við persónulega?

10. Hver er tilgangurinn með lífinu?

11. Myndiru bakka mig upp í slagsmálum?

12. Myndiru þaga yfir leyndarmáli ef það skipti mig máli?

13. Besta minningin þín um okkur?

14. Myndir þú gefa mér nýra?

15. Segðu eitthvað skrýtið um þig:

16. Myndir þú hugsa um mig ef ég væri veik?

17. Getum við hist og bakað köku?

18. Hefuru heyrt kjaftasögu um mig nýlega?

19. Talaru eða hefuru talað illa um mig?

20. Finnst þér ég góð manneskja?

21. Myndir þú keyra með mér hringinn í kringum landið?

22. Finnst þér ég aðlaðandi?

23. Hverju myndiru vilja breyta í mínu fari?

24. Í hverju sefuru?

25. Kæmiru í heimsókn af tilefnislausu, bara til að chilla?

26. Myndir þú koma á stefnumót ef ég myndi bjóða þér?

27. Ef ég ætti einn dag ólifaðann, hvað myndum við gera?

28. Ætlaru að setja þetta á þína síðu svo ég geti fyllt þetta út?

Jæja loksins kemur hér eitt stykki blogg! Ég hef svo sem enga afsökun fyrir bloggleysinu nema kannski andleysið og svo bara hef ég ekki tíma til þess í vinnunni og sit ekki fyrir framan tölvuna þegar ég kem heim. Hef átt í mestum erfiðleikum að fylgjast með bloggum annarra;) En samt var líka alltaf svo ofsalega þreytt þegar ég kom heim úr vinnunni ég hafði ekki orku í neitt, ég þreif ekki, eldaði sem minnst, hafði ekki samband við vini mína. Það var bara á svo mikið að læra að vinnan saug alla orku úr mér en nú er það að breytast. Eða kannski er það bara aldurinn, hvernig er það annars stelpur hvernig er að vera orðin 24 ÁRA!

Þarna fékkstu afsökunina Hanna mín hehe

Jæja hvað gerðist eftir salkjöt og baunir, það var djammað kveðjupartý Brynju var haldið með stæl. Það var eins og við værum að kveðja drottninguna svo miklar og glæsilegar voru kræsingarnar. Eins var djamm með Hönnu og Önnu og félögum, ég og Hanna fórum á ofsalega góða Incubus tónleika og fórum því næst til Önnu og drukkum okkur fullar, mátuðum föt og máluðum okkur, eignuðumst líka nýjan vin á þessu djammi sem alltaf er hægt að treysta á og huggar okkur mikið en það var Barinn. Líðan daginn eftir var líka eftir því. Ældi í bílinn og svoleiðis meira skemmtilegt, fórum nefnilega á Leirubakka á sunnudeginum og var Fríða greyið með í för og hafði miklar áhyggjur af mér svallaranum. Það jók á samviskubitið. Svo þegar við komum á Leirubakka þá lagði ég mig, góður gestur ha;)

Þessa daganna í vinnunni vinn ég til hádegis í skeifunni og fer svo eftir klukkan eitt upp í Ármúla. Þannig að ef þið viljið hitta á mig þá er þetta schedualið. Það er enn jafn gaman í vinnunni og er að vinna með góðu fólki.

Um daginn hélt ég minn fyrsta saumaklúbb, hver man ekki eftir saumaklúbbnum hennar mömmu, þá var sko veisla! Kræsingar voru miklar og glæsilegar og svo fékk maður afganga. Ég er að verða svo fullorðin. Já maður er orðin fullorðin þegar maður fer á djamm og manni líður eins og maður sé á grunnskóladiskóteki. En nýju staðirnir eru margir sem prufa þarf, einhver B5, Boston en hef prufað domo og finnst hann ekki sérstakur. Ég nefnilega hitti á Öddu sem var yfirmaður minn í Frostaskjóli á 90´s kvöldinu og hún sagði hitt Frostagengið væri á B5 ég hélt bara að hún væri svo full að hún vissi ekkert hvað hún væri að tala um. Já svo kom í ljós hver var fulli maðurinn. Það var hún Lilja dramadrottning. Hef hneyklslast mikið á öllum öðrum og svo er ég engu betri.

Jakob átti afmæli í gær og er orðin 27 ára maðurinn, spurning hvort maður fari ekki að yngja upp hehe;) Nei hann er fínn eins og hann er, engar hrukkur held ég þó ég geti ekki sagt það sama um mig. Ég og Ester erum farnar að hugsa um hrukkukrem, já hrukkukrem 23 ára gamlar.

Ég er ekki búin að vera dugleg í ræktinni, hef farið svona 2x í viku annað en Anna og Hanna, þær eru búnar vera duglegar. Hanna fer tvisvar á dag! Sem er held ég engum hollt! Sama má segja um nammið það hefur fengið að fljóta, en batnandi manni er best að lifa. Ég get ekki beðið eftir páskum á Ísafirði en það kom samt smá babb í bátinn Jakob kemst ekki með mér og mér líkar það illa, hann þarf að vinna í þessum #”%&%# banka. Ég tími ekki að borga 20000 fyrir flugið þannig að plíííís Hanna þú verður að keyra með mér.

En annars fór ég á skíði áðan og það var sko gaman! Ég og Fríða vorum bara í barnabrekkunni en ætlum okkur meira næst, þá er það sko einhver brekka sem ég man ekki hvað heitir. Svo í kvöld er eitthvað fótboltapartý hér þannig að ég ætla í heimsókn til Drífu og draga Hönnu með mér og vonandi Ester sjái sér fært um að mæta. Þið vitið allavega hvar við verðum;)